القصه دي تقريبا هي سبب كل مشاكلي ف الدنيا
اسمي محمد رجب من اسيوط عندي 27سنه
القصه دي حصلت معايا من 4سنين ،،💔
كنت لسه متخرج وبدور علي شغل ومكنتش لقي شغل وكنت من وانا صغير نفسي اشتغل ظابط مباحث بس ظروفي مسمحتش المهم لفيت أسيوط حته حته ادور علي شغل وللأسف ملقتش وب الصدفه كنت بتكلم مع واحد كان زميل ليا ف الجامعه ف قالي أن ف شغل ف مصنع ف القاهره
مرتبو مش الي هوا بس قولت اهوا اي حاجه لحد من ربنا يكرم
ونزلت قدمت ف الشغل واتقبلت وابتديت الشغل واتعرفت علي الناس الي معايا ف الشغل وكان وسطهم واحد اسموا احمد ....،
احمد ده مكنش قابل مني كلمه وبيبصلي بصات غريبه جدا وحتي لما كنت بسالو عن حاجه ف الشغل مكنش بيرد عليا نهائي..
اتعصبت جدا ورحت زعقت معها وقولتلو انت بتتعامل معايا كده ليه
بصلي بصه ب عينو لحد دلوقتي مش نسيها وقالي لو عايز تاكل عيش هنا حط لسانك جوا بوقك وبطل تسال وتتكلم...
سابني ومشي واليوم مشي تمام محصلش حاجه.
تاني يوم دخلت الشغل متاخر 10دقايق فضل احمد ده يقولي فالح تتكلم بس اما تيجي ف معادك لا وفضل يزعق مش عارف ليه بس سيبتوا ومشيت دخلت علشان إبداء شغلي .....،
واليوم مشي طبيعي جدا
خليني اقولك أن المصنع ده عباره عن مخزن كبير ف عماره وكان السكن بتاعنا ف شقه من نفس العماره وكان في جنبنا زي اوضه صغيره او كشك مقفول وشكلو قديم اوي
خلصت شغل وطلعت السكن اخدت دوش ونمت وصحيت علي صوت التلفون بيرن خرجت قعدت ف البلكونه اتكلم مع اهلي ووسط م انا بتكلم لحظت ضل حد رايح عند الاوضه الي جنب المصنع قعدت اركز شويا وتقدر تقول اندمجت والي كان بيكلمني فضل يقول ألو الو وقفل
قومت لفيت وشي علشان ادخل الشقه...
شوفت منظر يخض اي حد ....،💔
لفيت وشي لقيت احمد ف واقف ادامي وبيضحك ضحكه سخيفه اتخضيت جدا وسبتوا ومشيت ....
تاني يوم نزلنا الشغل بس كنا لسه مخلصين الشغل المطلوب مننا ف تقدر تقول كنا فاضين...
خليني اقولك اني تقريبا خلال 3ايام الشغل مشفتش حد ف كل الي شغلين دول بيتكلم غير لما اسالوا عن حاجه ولو هزارت أو قولت حاجه برا الشغل كلهم بيبصولي بصه غريبه جدا
بس انا ف طبيعتي مبحبش الهدوء الزياده ف قرارت اخرج اقعد برا شويا واتفرج علي المكان.....
خليني اقولك اني حاسس ان في حاجه غريبه بس اي هي معرفش ......،
اليوم انتها وطلعت البيت مجليش نوم خالص
الليل جاه والساعه بقت9 وكل الي ف السكن نامو
عملت حاجه اشربها ودخلت البلكونه ..
مسكت التلفون ومفيش دقيقه وسمعت صوت حد بيدور ف حاجه تحت
ولحظت نفس الضل الي شوفتوا امبارح
قرارت انزل وأشوف مين تحت ......،،،
نزلت وفتحت كشاف تلفوني وفضلت ادور اي سبب الضل
لحظت حاجه عادت من ادامي بسرعه جدا لدرجة اني مقدرتش احدد اي ده .....
قرارت اطلع البيت انا ماليش دعوه ب حاجه
سمعت صوت حاجه بتتحرك ورايا لفيت ابص ف اي
لقيت قطه سوده بتلعب ف شنطه
وانا واقف ف حد حط ايدو علي كتفي
لفيت وشي
احمد واقف ف وشي بس شكلو متعصب جدا وقالي انت اي الي موديك عندهم ..عايز تموت هااا..،
وسبني ومشي
اموت..؟ وبعدين ناس مين ..وارحلهم فين
طلعت البيت وعمال افكر هوا كان بيقول اي ونمت قلقت علي صوت حاجه بتتحرك فتحت عيني ابص حوليا ملقتش حاجه بس ف صوت جاي من ورايا
لفيت وشي
..............................
........................
عيني كانت ف عنيها اتفزعت واتنطرت من مكاني
والغريب انها متحركتش من مكانها بالعكس قاعده وبصالي وعينها ابتدت تسود والنيني بتاع عنيها ابتدا يكبر وابتدت تعمل اصوات غريبه.
اصوات مش اصوات قطط لا اصوات غريبه مرعبه جدا
انا لما اتفزعت قومت قعدت وجسمي اتخشب ومبقتش قادر اتحرك ولا اطلع صوت ....
محمد محمد محمد
قوم ي ابني عندنا شغل
،،،،🙂🙂🙂
يعني انا كنت بحلم...
قومت لبست ونزلت الشغل وانا عمال افكر ف الكلام بتاع احمد
ممكن يكون خايف عليا ولا هوا بيخوفني علشان هوا مخبي حاجه ف المكان ........
خلصت شغل لكن بعد م اتلغبطت ف حاجات كتير اوي
كل الي معايا ف المصنع بيبصولي بصات غريبه جدا
طلعت اخدت دش ونمت ...."*-"-_"*-*"_#
قلقت علي صوت جاي من تحت السرير
..... لا مش هقوم من مكاني.....
-_-_-_-_-_-_:'"'"-_-_-_-_-_
-قرارت اني مش هتحرك من مكاني لكن الصوت الي جاي من تحت السرير صوت طفل
-بيطلب المساعدة
-ممكن تسعدني .......#_-#-"'* انا محتاج مساعده
-انا الخوف هيموتني أبتديت أندها علي كل الي معايا ف الأوضه كلهم نومهم تقيل جدآ محدش صحي قرارت انزل احاول اساعدو مع اني خايف...
-وطيت ب وشي واحده واحده وبصيت .....
*"_-&+*:_-_-_+$+"-*+_+_$+_+_++++-_____-
مفيش حاجه برفع وشي لقيت حاجه بتجري من ادام الباب
زي م قولتلكو انا شخصيه فضوليه جداً قرارت اخرج اشوف ف اي ...
خرجت لمحت الضل عند السلام نزلت ورها وخرجت اشوف راح فين لقيتو راح عند الاوضه
قرارت اروح ورها.....،،،،،
لقيت طفل قاعد ومخبي وشو وبيعيط
..... مالك ي حبيبي اي الي جابك هنا..؟
مش بيرد وصوت العياط بيزيد
سالتو تاني اي الي جابك هنا
.. رفع وشو وبصلي.....
منظر صعب يتوصف أو يتحكي
وشو في شعر كتير اوي وعينو زي عين القطط
قام وقف وقرب مني وابتدي يهمس ب كلام غريب
جسمي اتخشب ومش قادر اتحرك
قرب مني جدا
لقيت حاجه بتشدني من مكاني
.....؟
...
..
احمد .انا مش قولتلك متجيش هنا قبل كده
.بس انا جيت علشان الطفل ده
طفل اي
ده......
مفيش اي حاجه انت واقف لوحدك وعمال اندهلك مش بترد
بعد كده مش هلحقك انت ونصيبك بقا
يلحقني من اي....؟
طلعت ورا احمد وسالتو تلحقني من اي
أتردد ف كلمو ولقلق وقالي مفيش سكان العمارة مبيحبوش حد يروح هناك ولو رحت هناك ممكن يجبولك الحكومة انا بلغتك ..... وسبني ومشي
مقتنعتش ب كلامو وخصوصا اني من ساعت م جيت مشوفتش ولا سمعت حد داخل العماره
دخلت انام وكنت بغفل ف النوم حسيت ب ايد دافيا مسكت رجلي ......
قومت مخضوض اشوف اي ده ملقتش غير كوره لونها ابيض بتتحرك بس ب حركات مش ثابته وخرجت من الأوضه
خليني اقولك انو مش فضول بس في حاجه كانت مخلياني امشي ورها غصب ....
حسيت ب قلق وخوف شديد
الكوره فضلت تتحرك
وانا ماشي ورها وزي م اكون فقدت السيطره علي نفس مش قادر اوقف رجلي
...الكوره خبطت ف الباب ووقعت جنبو اختفت
جسمي متخشب مش قادر اطلع صوت ولا اتحرك
أبتديت احاول اقراء قران بس للاسف انا مش حافظ حاجه
شوفت ضل اسود طويل بيقرب مني ....
وفاجئه.....💔
وفاجئه الضل اختفا وجسمي اتفك
طلعت اجري زي الاطفال علشان ادخل الشقه لقيت احمد واقف علي الباب بتاع السكن وبيبصلي وهوا ساكت
روحتلو وانا متعصب
هوا انت عارف اي ومخبيها عليا .""؟
,=امشي علشان مش هيسبوك ف حالك
هما مين دووول.""؟
مشي ومردش عليا
دخلت الاوضه
وشغلت قران وشويا ونمت
قلقت علي صوت حاجه بتتحرك ومش سامع صوت القران ومش قادر اتحرك وجسمي متخشب فاقد حتي النطق..
وفي ضل حد فوقيا مقدرش احكم شكلو عامل ازاي لكن مفيش كام ثانيه وساب جسمي ونزل تحت السرير
جسمي فك وبقيت تمام لكن مش قادر انام تاني والقران اتقفل والتلفون مش جنبي معني كده أن في حد قفلو
قومت دخلت البلكونه لقيت احمد عند الأوضه الي تحت
.............
كان بيبص ب نظرات غريبه جدا زي م يكون في حد معها
قرارت انزل وأشوف مين معها
نزلت ملقتهمش لكن سمعت حاجه زي صوت الباب بيتقفل
رحت عند باب الأوضه
:'^¥ ....
الباب مقفول وعليها تراب كتير زي م يكون بقالو سنين متفتحش
والغريب أن الباب عامل زي الباب بتاع زمان الي بتشد الاكره بتاعتو يتفتح ومحطوت عليها من برا قفل شكلو غريب اول مره اشوفو بس مصدي جدا
قرارت افتح الباب واعرف في اي جواه
قعدت ادور على اي حاجه اكسر بيها القفل لحد م لقيت توبه كبيره قعدت اخبط علي القفل لحد م اتكسر
وفتحت الباب
فتحت باب المشاكل ف وشي
في ريحه وحشه اوي ريحت حيوان ميت قعدت ادور علي
مصدر للنور
لحد م لقيت مكان الكبس ودوست عليها النور اشتغل لكن اللمبه بترعش مش شغاله كويس
ايدي في حاجه جت عليها اتبلت من اي ...""؟
ببص علي ايدي لقيتها كلها دم ......'"_؟
الاوضه كلها دم الحيطه مدهون عليها دم ومكتوب عليها كلام غريب اوي ب حبر اسود
عارف لما تكون بتكتب أو بتبيض ب حاجه وينزل منها زي خطوط كده اهوا منظر الكتابه كانت كده
ضوء الاوضه كان بسيط لكن انا قادر اشوف ف اي ف الأوضه
للعلم كان في ريحه من الصعب جدا أن حد يستحملها
اتحركت ادور علي اي سبب الدم ده
رجلي خبطت ف حاجه
قطه ميته ..
جسمها مفتوح شكلها مرعب ومكتوب عليها ب خط صغير كلمه كده مش عارف ده اسم ولا معني عموما هقول حروف متقطعه
خ.يπر•ن"س؛و'*س
متحولش تجمع الاسم علي بعض
لما قرات الاسم حسيت في حد اتحرك ورايا
لفيت وشي علشان اشوف مين ده ...؟
ملقتش حد بس سمعت صوت هبدت الباب بيتقفل
جريت علشان افتح الباب
الباب ملهوش اكره من جوا
معني كده اني اتحبست مفيش مخرج من هنا ..
اللمبه من كتر م رعشت فرقعت
الدنيا ضلمه لدرجه اني مش شايف ايدي حتي
في اصوات غريبه ابتدت تطلع
في صوت ضحكه غريبه جدا
زي م يكون وحد صوتو تخين جدا بيضحك وواحده صوتها رفيع جدا جدا بتصوت
في حاجه غلط اكيد في مخرج قومت حولت اتحرك
ف حاجه جت جنب رجلي
دي مش ايد دي حاجه تانيه خالص
¥€£¢€€£°¶¶¶
ده جسم قطه
القطه بتحرك جسمها علي رجلي
القطه ميته بتتحرك
قرارات ابعد عنها
بحاول اقراء قرأن مش حافظ حاجه
لقيت لساني بيقرار الاسم الي قراتو علي جسم القطه
ابتدت الاصوات تزيد وتعلي وبدأت احس ب دفا جي من ضهري
لفيت وشي اشوف ف اي
شوفت منظر
ممكن تموت من شكل الكائن ده
كائن يستحيل تشوف زيو
عينو كبيره جدا وفيها خط ف النص زي عين القطط
وشو محروق وبيطلع ريحه صعبه جدا وفي ف وشو حاجات زي الشعر
وبيبصلي بصات غريبه جدا
وابتدا يعمل اصوات غريبه
أبتديت احس اني دايخ جدا واني مش قادر امسك نفسي
ابتدأ يصرخ ف وشي......
``````"""""'''' '''
انا غبت عن الوعي ..؟
انا فين انا مكنتش هنا
=ياعم احنا لقيناك مرمي قدام العماره وهدومك مقطعه وفي علامات علي جسمك غريبه
ف اي احكيلنا مين عمل فيك كده
.."اترددت جدا اتكلم وخصوصاً أن احمد قالي متروحش هناك كزا مره
قولتلهم معرفش
انا عايز اروح انام مش عايز اقعد ف المستشفي
=الدكتور قال انك لزما تبات انهارده هنا هتخرج بكرا
متقلقش مرتبك ماشي عادي محدش هيتكلم وهنمضيلك حضور وزي م انت عارف صاحب المصنع مش بياجي
سابوني ومشيوا
معايا ف الأوضه حاله
راجل كبير ف السن جدا عندو ضيق تنفس وكل شويا بيحطولو تنفس صناعي
والسرير التاني فاضي
دماغي مبطلتش تفكير للحظه
بعد العصر ب شويا حسيت اني عايز انام وكنت متردد جدآ
لكن غفلت ف النوم
وقلقت علي صوت وجع
حد بيتوجع وصويت جاي من برا
ببص لقيتوا واحد شكلو مطعون ب سكينه وشو وجسموا عباره عن دم
وهما دخلوها عندي الاوضه علشان اوضه العمليات مليانة
ف جبوها لحد م يتصرفوا
عمال يتوجع ب طريقه صعبه
وعلشان مكنش كداب انا كنت خايف منوا جدا
بس حولت اتكلم معها من بعيد
حولت أهديها
بس لا حياه لمن تنادي
.....
."*
سكت خالص
جالي حاله انهيار فظيعه من المنظر وقعدت اندها علي الدكتره لحد م جت دكتوره ب كل برود
وماسكه ف ايدها سندوتش بتاكل منوا وفضلت تقولي عايز اي ...؟
قولتلها الحقيها
حطت ايدها عليها
قالتلي ده مات قدرو ممكن بقا تسكت
وسبتني وسابت الحاله ومشيت
بعدها ب خمس دقايق جم خدو الحاله علشان تتحط ف التلاجه
قعدت احاول اعمل اي حاجه
مش لاقي تلفوني
حولت اعمل اي حاجه لحد م لقيت دفتر فاضي وقلم جاف
قرارت ارسم علشان اشغل وقتي وبدأت ف الرسم
وسرحت وافتكرت وانا بحاول اهرب من الاوضه وقعدت اركز جدا ف الموقف
ولحظت.
الجزء التاني
باب الخوف قريبا
تعليقات
إرسال تعليق